Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 87 Hüküm no: 22 Orijinal metin no: [3a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Yani v. Yuvan’ın kendisine küfrettiği iddiasıyla Sabuncu Aleksi v. Kostantin aleyhine açtığı davadan vazgeçtiği Galata’da Câmi‘-i cedîd Mahallesi’nde mütemekkin Berber Yani v. Yuvan nâm zimmî Galata Bâb Mahkemesi’nde meclis-i şer‘de Sabuncu Aleksi v. Kostantin nâm zimmî muvâcehesinde mersûm Aleksi zimmî târih-i i‘lâm günü mahalle-i merkūmede vâki‘ mütemekkin olduğum dükkânım üstünde anama ve avratıma cimâ‘ lafzıyla şetm etmekle mûcib-i şer‘îsini taleb ederim deyü tasaddî eylediğim da‘vâmdan meccânen fâriğ olup husûs-ı mezkûra müte‘allika da‘vâdan mersûm Aleksi zimmîyi kabûlü hâvî ibrâ ve iskāt eyledim deyü ikrâr ve tasdîkleri bi’l-iltimâs huzûr-ı âlîlerine i‘lâm olundu. Fî 12 M sene [1]221.