Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 88 Hüküm no: 23 Orijinal metin no: [3a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veliyüddin Çelebi’nin Esir Tüccarı Mustafa Beşe aleyhine açtığı alacak davasında iddiasını ispat edemediği Ashâb-ı sefâyinden Veliyüddin Çelebi b. Mahmud nâm kimesne Galata Bâb Mahkemesi’nde meclis-i şer‘-i kavîmde esîr tüccârından Mustafa Beşe b. Ali muvâcehesinde mezbûr Mustafa Beşe zimmetinde şayka tâ‘bir olunur sefîne ücretinden iki bin dört yüz guruşdan bâkī elli guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr Veliyüddin Çelebi ber-vech-i muharrer müdde‘âsına ikāmet-i beyyineye kādir olmayıp bâ-taleb mezbûr Mustafa Beşe ba‘de’t-tahlîfü’ş-şer‘î mûcebince müdde‘î-i mezbûr Veliyüddin Çelebi da‘vâ-yı mezkûresiyle mezbûr Mustafa Beşe’ye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 11 M sene [1]221.