Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 89 Hüküm no: 26 Orijinal metin no: [3a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mahmud’un damadı Yemenici Mehmed Beşe aleyhine açtığı alacak davasında kırk guruşa sulh olduğu Galata’da Emekyemez Mahallesi’nde sâkine ve zâtı ta‘rîf-i şer‘î ile mu‘arrefe Âişe bt. Mahmud nâm hatun Galata’da mahfil-i kazâda sâbıkā damadı Yemenici Mehmed Beşe b. Mustafa muvâcehesinde mezbûr Mehmed Beşe zimmetinde cihet-i karzdan altmış guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn mezbûr Mehmed beşe ile kırk guruşa sulh olduğumda ol dahi sulh-ı mezkûru ba‘de’l-kabûl mâ‘adâ yirmi guruşa müte‘allika da‘vâdan mezbûr Mehmed Beşe’nin zimmetini kabûlü hâvî ibrâ eyledim dediğini mezbûr Mehmed Beşe tasdîk, ibrâdan müstesnâ bedel-i sulh-ı merkūm kırk guruş deyni olduğunu ikrâr u i‘tirâf etmeğin alâ-mûcibi ikrâri[hî] bedel-i sulh-ı merkūm kırk guruşun müdde‘iye-i mezbûre Âişe Hatun’a edâsıyla mezbûr Mehmed Beşe ilzâm olunduğu tescîl ve huzûr-ı âlîlerine i‘lâm olundu. Fî 15 M sene [1]221.