Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 89 Hüküm no: 27 Orijinal metin no: [3a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanko v. Frankoli’nin Corci v. Yakomi aleyhine açtığı alacak davasında on guruşa sulh olduğu Yanko v. Frankoli zimmî Galata Bâb Mahkemesi’nde meclis-i şer‘de Corci v. Yakomi zimmî muvâcehesinde mersûm Corci zimmî zimmetinde cihet-i deyn-i şer‘îden yüz guruş [alacak hakkım için] muslihîn merkūm Corci zimmî ile on guruşa ba‘de’s-sulh ve’l-kabûl bedel-i sulh-ı merkūmdan mâ‘adâ doksan guruşa müte‘allika da‘vâdan mersûm Corci zimmînin zimmetini kabûlü hâvî ba‘de’l-ibrâ ve’l-kabûl ibrâdan müstesnâ bedel-i sulh-ı merkūm on guruş zimmetinde kalmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi Corci zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 20 M sene [1]221.