Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 97 Hüküm no: 42 Orijinal metin no: [4b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkāl Yani v. Nikola’nın sade yağ bedelinden Yako v. Tolodan’dan yirmi yedi guruş alacağı olduğu Bakkāl Yani v. Nikola zimmî Galata Bâb Mahkemesi’nde meclis-i şer‘de Yako v. Tolodan nâm Yahûdi muvâcehesinde Yahûdi-i mersûm zimmetinde vezni ve fiyatı beynimizde ma‘lûm revgan-ı sâde semeninden otuz iki guruşdan bâkī yirmi yedi guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Yani zimmî ber-vech-i muharrer müdde‘âsını lede’t-tezkiye ve makbûlü’ş-şehâde idükleri ihbâr olunan Dimitri v. Leva ve Stavri v. Stavri nâm zimmîler şehâdetleriyle Yahûdi-i mersûm muvâcehesinde vech-i şer‘î üzere isbât etmeğin mûcebince meblağ-ı mezkûr yirmi yedi guruş müdde‘î-i mersûm Yani zimmîye edâ ve teslîme Yahûdi-i mersûma tenbîh olunduğu huzûr-ı âlîlerine i‘lâm olundu. Fî 29 Muharremi’l-harâm sene [1]221.