Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 98 Hüküm no: 43 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu Numan Beşe’nin Mehmed Emin Ağa’dan altmış guruş alacağı olduğu Galata’ya muzâfe kasaba-i Tophane’de sâkin Topçu Numan Beşe b. Mustafa nâm kimesne Galata Bâb Mahkemesi’nde meclis-i şer‘de Mehmed Emin Ağa b. Mehmed nâm kimesne muvâcehesinde mezbûr Mehmed Emin Ağa zimmetinde cihet-i karzdan altmış guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr altmış guruşun müdde‘î-i mezbûr Numan Beşe’ye edâsıyla mezbûr Mehmed Emin Ağa ilzâm olunduğu bi’l-iltimâs huzûr-ı âlîlerine i‘lâm olundu. Fî 27 Muharremi’l-harâm sene 1221.