Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 98 Hüküm no: 44 Orijinal metin no: [4b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe ile ortağı Mihal’in kayık bedeli olarak Mehmed Memiş Beşe’den üç yüz yetmiş guruş alacakları olduğu Hasan Beşe b. Hüseyin nâm kimesne ile şerîki Mihal v. Angeli zimmî Galata Bâb Mahkemesi’nde meclis-i şer‘de Mehmed Memiş Beşe b. İbrahim nâm kimesne muvâcehesinde mezbûr Mehmed Memiş Beşe târih-i i‘lâmdan üç ay mukaddem yedimizden ve mâlımızdan iştirâ ve kabz eylediği Alaman kayığı tâ‘bir olunur dört çifte bir kıt‘a piyâde semeninden dört yüz yirmi guruşdan bâkī zimmetinde üç yüz yetmiş guruş alacak hakkımız olmağla hâlâ taleb ederiz deyü bi’l-ma‘iyye da‘vâ eylediklerinde ol dahi cevâbında ber-vech-i muharrer tâyi‘an ve kat‘iyyen ikrâr u i‘tirâf etmeğin alâ-mûcibi ikrârihi meblağ-ı bâkī-i mezkûr üç yüz yetmiş guruşun müdde‘iyân-ı mezbûrân Hasan Beşe ve şerîki Mihal zimmîye edâsıyla mezbûr Mehmed Memiş beşe ilzâm olunduğu bi’l-iltimâs huzûr-ı âlîlerine i‘lâm olundu. Fî-selhi Muharremi’l-harâm sene [1]221.