Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 98 Hüküm no: 45 Orijinal metin no: [4b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lola bt. Papa Samyod’un kefaletinden dolayı Varine bt. Takodoş aleyine açtığı alacak davasında iddiasını ispat edemediği Hüseyin Ağa Mahallesi’nde mütemekkine ve şahsı ta‘rîf-i şer‘î ile mu‘arrefe Lola bt. Papa Samyod Nasrâniye Galata’da mahfil-i kazâda kezâlik şahsı mu‘arrefe Varine bt. Takodoş Nasrâniye muvâcehesinde benim gāib ani’l-meclis Taşçı Yani zimmî zimmetinde cihet-i karzdan bâ-i‘lâm-ı şer‘î mahkûmün-bih alacak hakkım olan üç yüz guruşu bi’l-emr ve’l-kabûl mersûme Varine Nasrâniye kefîl ve zâmine olmağla bi-hükmi’l-kefâle meblağ-ı merkūm üç yüz guruşu mersûme Varine Nasrâniye’den taleb ederim deyü ba‘de’d-da‘vâ ve’l-inkâr müdde‘iye-i mersûme ber-vech-i muharrer müdde‘âsına ikāmet-i beyyine edemeyip bi’t-taleb mersûme Varine Nasrâniye ber-nehc-i şer‘î tahlîf olunmağın mûcebince müdde‘iye-i mersûme da‘vâ-yı mezkûresiyle mersûme Varine Nasrâniye’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-selhi Muharrem sene [1]221.