Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 99 Hüküm no: 46 Orijinal metin no: [4b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostanî Halil Ağa ile Ali Beşe’nin alacak hususunda birbirlerinin zimmetlerini ibra ettikleri Sâhib-i arzuhâl Bostanî Halil Ağa b. Mustafa nâm kimesne Galata Bâb Mahkemesi’nde meclis-i şer‘de topçu neferâtından Ali Beşe b. Ali nâm kimesne muvâcehesinde mezbûr Ali Beşe zimmetinde cihet-i karzdan alacak hakkım olan otuz altı guruşa müte‘allika da‘vâdan mezbûr Ali Beşe’nin zimmetini meccânen ibrâ ve iskāt eylediğimde ol dahi benden iddi‘â eylediği pişmiş kahve semeninden cem‘an yüz otuz guruşa müte‘allika da‘vâdan benim zimmetimi meccânen ibrâ ve iskāt ve tarafeynden herbirimiz âharın ibrâsını kabûl-birle kat‘-ı münâza‘a eyledik deyü ikrâr ve tasdîkleri tescîl ve mübâşirleri Mustafa Çavuş kulları yediyle huzûr-ı âlîlerine i‘lâm olundu. Fî-gurreti Safer sene [1]221.