Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 818 Hüküm no: 1067 Orijinal metin no: [127b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Ahmed’in, Ahmed Beşe b. Ali’den muhâlaa yoluyla boşandığı Mahmiye-i İstanbul’da Yenibahçe kurbunda Karabaş mahallesinde sâkine Fâtıma bt. Ahmed nâm hâtun meclis-i şer‘-i şerîf-i lâzımü’t-teşrîfde zevc-i dâhilün-bihâsı Ahmed Beşe b. Ali nâm kimesne mahzarında ikrâr ve takrîr-i kelâm edip mezbûr Ahmed Beşe zimmetinde mütekarrir ve ma‘kūdun-aleyh olan iki bin akçe mehr-i müeccel ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Ahmed Beşe ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete ve gayra müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Şevvâli’l-mükerrem li sene seb‘a ve seb‘în ve elf Şuhûdü’l-hâl: Ahmed Beşe b. Abdüsselâm, Mustafa Çelebi b. Hüseyin, Mehmed b. Ahmed, Hüseyin b. Ramazan, Baba Resul [b.] Rıdvan.