Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 106 Hüküm no: 61 Orijinal metin no: [5b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mühendis Seyyid Mehmed Nuri’nin Minas v. Agop aleyhine açtığı alacak davasından vazgeçip zimmetini ibra ettiği Havâss-ı refi‘a kazâsına tâbi‘ kasaba-i Hasköy’de sâkin Mühendis es-Seyyid Mehmed Nuri b. Mehmed Selim nâm kimesne tarafından meblağ-ı âti’z-zikri ibrâya vekîl olduğu Kahveci Osman b. Hüseyin ve Mustafa b. Abdullah şehâdetleriyle sâbit olan Mehmed Beşe b. Ali Galata’da mahfil-i kazâda şerbetçi hizmetkârlarından Minas v. Agop zimmî muvâcehesinde müvekkilim mezbûr Mehmed Nuri’nin mersûm Minas zimmî zimmetinde bâ-temessük cihet-i karzdan alacak hakkı olan iki yüz otuz üç guruşunu hâlâ bi’l-vekâle taleb ederim deyü tasaddî eylediğim da‘vâmdan meccânen fâriğ olup meblağ-ı merkūma müte‘allika da‘vâdan mersûm Minas zimmînin zimmetini kabûlü hâvî bi’l-vekâle ibrâ ve iskāt eyledim deyü ikrâr ve tasdîkleri tescîl ve bi’l-iltimâs huzûr-ı âlîlerine i‘lâm olundu. Fî 14 Safer sene [1]221.