Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 106 Hüküm no: 62 Orijinal metin no: [5b-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice Hatun ile kocası Kayıkçı Eyüb Beşe’nin uygunsuz hareketlerinden dolayı oturdukları Cami-i kebir Mahallesi’nden çıkarıldıkları Mahrûse-i Galata[‘da] Câmi‘-i kebîr Mahallesi’nde İmâm-ı evvel Hâfız Hüseyin Efendi ve müezzini Mehmed Emin Efendi ve ahâlîsinden Makaracı Ahmed Beşe ve Haseki Eyüb Ağa ve Makaracı Ömer Beşe ve el-Hâc Mehmed ve Makara[cı]-i diğer Ömer Beşe ve Süleyman Odabaşı ve Mehmet Tahir Ağa ve Makaracı Halil Beşe ve sâir mazbûtü’l-esâmî kimesneler Galata’da mahfil-i kazâda derûn-ı arzuhâlde mezkûretü’l-ism Hadice bt. Ahmed nâm hatun muvâcehesinde mezbûre Hadice Hatun ve zevci gāib ani’l-meclis Kayıkcı Eyüb Beşe b. el-Hâc Ömer mahallemiz ahâlîsinden olup lâkin kendi hâllerinde olmayıp herbiri hadîdü’l-lisân olmalarıyla her bâr hilâf-ı şer‘-i mutahhar herbirimize şetm etmeleriyle bi’d-defa‘ât kendilere tenbîh eylediğimizde kat‘â mütenebbihler olmayıp harekât-ı nâ-marziyyelerinde ısrâr üzere olmağın zevcân-ı mezbûrândan hoşnûd ve râzı değilleriz deyü bi’l-muvâcehe teşekkî ve ber-vech-i muharrer sû’-i hâllerini ihbâr ve mahalle-i merkūmeden ihrâc olunması bâbında fermân-ı âlîleri sudûrunu bi-ecmâ‘ihim istirhâm eyledikleri tescîl ve mübâşirleri Ahmed Çavuş kulları yediyle huzûr-ı âlîlerine i‘lâm olundu. Fî 14 Safer sene [1]221.