Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 107 Hüküm no: 63 Orijinal metin no: [6a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostanî Mustafa’nın kors bedelinden Manuk v. Serkiz ve Avanis v. Manol’dan on dört guruş alacağı olduğu Galata’da sâkin Bostanî Mustafa b. Veliyüddin nâm kimesne Galata Bâb Mahkemesi’nde meclis-i şer‘de Manuk v. Serkiz ve Avanis v. Manol zimmîler muvâcehesinde mersûmân Manuk ve Avanis zimmetlerinde vezn ve fiyatı beynimizde ma‘lûm kors semeninden alacak hakkım olan yetmiş guruşun yirmi sekiz guruşunu yedlerinden ba‘de’l-ahz bâkī kalan kırk iki guruşu zimmîyân-ı mersûmândan taleb ederim deyü da‘vâ eyledikde onlar dahi cevâblarında müdde‘î-i mezbûr Mustafa’ya kurs semeninden ancak kırk iki guruş deynimiz olup kabzını mukırr u mu‘terif olduğunu yirmi sekiz guruşdan bâkī on dört guruş zimmetimizde deynimizdir deyü ikrâr ziyâdeyi inkâr etmeleriyle müdde‘î-i mezbûr Mustafa ber-vech-i muharrer ziyâde müdde‘âsına ikāmet-i beyyine edemeyip bi’t-taleb zimmîyân-ı mersûmân Manuk ve Avanis zimmîlerden herbiri ba‘de’t-tahlîfü’ş-şer‘î mûcebince müdde‘î-i mezbûr Mustafa ziyâde yirmi sekiz guruş mütâlebesiyle zimmîyân-ı mersûmân Manuk ve Avanis’e bilâ-beyyine mu‘ârazadan ba‘de’l-men‘ zimmîyân-ı mersûmân Manuk ve Avanis zimmîlerin ikrârıyla lâzım gelen on dört guruşu müdde‘î-i mezbûr Mustafa’ya edâsıyla zimmîyân-ı mersûma Manuk ve Avanis ilzâm olundukları bi’l-iltimâs [huzûr-ı âlîlerine i‘lâm olundu.] Fî 15 Safer sene [1]221.