Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 110 Hüküm no: 70 Orijinal metin no: [6b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Beşe b. Abdullah’ın çorap bedelinden Selanikli Ali Beşe’den üç yüz otuz guruş alacağı olduğu İsmail Beşe b. Abdullah Galata Bâb Mahkemesi’nde meclis-i şer‘de Selanikli Ali Beşe b. Ömer muvâcehesinde mezbûr Ali Beşe zimmetinde çifti beynimizde ma‘lûm çorab semeninden dokuz yüz yetmiş dört buçuk guruşdan bâkī üç yüz otuz guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını lede’t-tezkiye makbûlü’ş-şehâde idükleri ihbâr olunan Hüseyin b. İbrahim ve Mehmed Salih b. Hasan nâm kimesneler şehâdetleriyle mezbûr Ali Beşe muvâcehesinde vech-i şer‘î üzere isbât etmeğin mûcebince meblağ-ı merkūm üç yüz otuz guruş müdde‘î-i mezbûra edâya mezbûr Ali Beşe’ye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 18 Safer sene [1]221.