Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 113 Hüküm no: 76 Orijinal metin no: [7a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın boşandığı kocası Top Ustası Ali Beşe’den mehir, nafaka ve barınma bedeli olarak elli guruş alacağı olduğu Anadolu Boğazkesen Hisarı’nda sâkine ve zâtı mu‘arrefe Fâtıma bt. Abdullah nâm hatun Galata’da mahfil-i kazâda Top Ustası Ali Beşe b. Ömer nâm kimesne muvâcehesinde mezbûr Ali Beşe zevc-i dâhilim olup târih-i i‘lâmdan on sekiz gün mukaddem beni tatlîk etmekle zimmetinde mütekarrir ve ma‘kūdun-aleyh mehr-i müeccel hakkım olan kırk beş guruş ile nafaka-i iddet-i ma‘lûmem ve meûnet-i süknâm için bi’t-terâzî ta‘yîn olunan beş guruş ki cem‘an elli guruş zimmetinde kalmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı merkūm elli guruşun müdde‘iye-i mezbûre Fâtıma Hatun’a edâsıyla mezbûr Ali Beşe ilzâm olunduğu bi’l-iltimâs huzûr-ı âlîlerine i‘lâm olundu. Fî 21 min-Muharrem sene [1]221.