Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 114 Hüküm no: 77 Orijinal metin no: [7a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yelkenci Todori v. Yorgo’nun Morfi v. Yorgo’dan kırk yedi guruş alacağı olduğu Sefîne yelkencilerinden Todori v. Yorgo zimmî Galata Bâb Mahkemesi’nde meclis-i şer‘de tâife-i merkūmeden Morfi v. Yorgo zimmî muvâcehesinde mersûm Morfi zimmî zimmetlerinde cihet-i karzdan kırk yedi guruş alacak hakkım olmağla hâlâ taleb ederim deyü da‘vâ ettikde ol dahi cevâbında müdde‘î-i mersûme cihet-i mezkûreden ancak yirmi buçuk guruş zimmetimde deynim olup meblağ-ı mezkûru kendiye edâ ve teslîm eylediğimden başka mâlımdan sekiz guruş otuz paramı ziyâde ahz etmekle istirdâd ederim deyü mikdâr-ı mezkûrda eylediği da‘vâ ve def‘ini mersûm Todori münkir olmağla tarafeyn <> beyâna havâle olundukda herbiri ikāmet-i beyyineden izhâr-ı acz ve ehadühümâ âharı istihlâf etmekle mersûm Todori ber-nehc-i şer‘î tahlîf olunup ve merkūm Morfi zimmî yemînden nükûl etmeğin mûcebince meblağ-ı merkūm kırk yedi guruşu müdde‘î-i mersûm Todori zimmîye edâ ve teslîme mersûm Morfi zimmîye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 17 Safer sene [1]221.