Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 117 Hüküm no: 84 Orijinal metin no: [7b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostanî Ali Beşe b. Hasan’ın satın aldığı kayık bedelinden Kayıkçı Mehmed Emin b. İbrahim’e yüz on guruş borcu olduğu Hadîka-i hâssa bostânîlerinden Ali Beşe b. Hasan Galata Bâb Mahkemesi’nde meclis-i şer‘de Kayıkçı Mehmed Emin b. İbrahim muvâcehesinde ben târih-i i‘lâmdan beş gün mukaddem mezbûr Mehmed Emin yedinden ve mâlından yüz yirmi guruş semen tesmiyesiyle iştirâ ve kabz eylediğim piyâde tâ‘bir olunur bir kayığın on guruşunu kendiye teslîm mâ‘adâ yüz on guruşu zimmetimde deynim bâkī kalmışidi lâkin zikrolunan kayığın beyne’t-tüccâr noksan-ı semen îcâb eder ayb-ı kadîmine muttalî‘ olmamla medfû‘um olan meblağ-ı mezkûr on guruşu bana geri teslîm ve zikrolunan kayığı yedimden ahza mezbûr Mehmed Emin’e tenbîh olunmak matlûbumdur deyü da‘vâ eyledikde ol dahi cevâbında ber-vech-i muharrer ikrâr lâkin zikrolunan kayığı cemî‘ uyûbuyla mu‘ayyebe olmak üzere semen-i mezkûra bey‘ ol dahi iştirâ ve kabz etmişidi deyü ba‘de’d-def‘ ve’l-inkâr dâfi‘-i mezbûr ber-vech-i muharrer def‘-i mezkûrunu şehâdetleri makbûle olan Hasan Beşe b. Süleyman ve Abdulkādir b. Hüseyin nâm kimesneler şehâdetleriyle mezbûr Bostanî Ali Beşe’nin ikrârıyla lâzım gelen meblağ-ı bâkī-i mezkûr yüz on guruşu mezbûr Mehmed Emin’e edâ ve teslîme mezbûr Bostanî Ali Beşe’ye tenbîh olunduğu huzûr-ı âlîlerine i‘lâm olundu. Fî 28 Safer sene [1]221.