Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 119 Hüküm no: 87 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Beşe b. Mehmed’in Çorapçı Mehmed Beşe’den ikrarı gereğince seksen guruş alacağı olduğu Galata’ya muzâfe kasaba-i Fındıklı’da sâkin İsmail Beşe b. Mehmed nâm kimesne Galata Bâb Mahkemesi’nde meclis-i şer‘de Çorabcı Mehmed Beşe b. Abdurrahman nâm kimesne muvâcehesinde mezbûr Mehmed Beşe zimmetinde bâ-temessük cihet-i karzdan yüz guruşdan bâkī seksen guruş alacak hakkım hattâ medyûnum mezbûr Mehmed Beşe bundan akdem cihet-i mezkûreden yüz guruşdan bâkī seksen guruş deyni olduğunu mahzar-ı şuhûdda ikrâr u i‘tirâf etmekle meblağ-ı bâkī-i mezkûru mezbûr Mehmed Beşe’den taleb ederim deyü da‘vâ eyledikde ol dahi cevâbında meblağ-ı bâkī-i mezkûru kâziben ikrâr etmişidim deyicek mukırr-ı mezbûr Mehmed Beşe ber-vech-i meşrûh ikrârında kâzib ve müdde‘î-i mezbûr da‘vâ-yı mezkûresinde mübtil olmadığına müdde‘î-i mezbûr İsmail Beşe ber-nehc-i şer‘î tahlîf olunmağın alâ-mûcibi ikrârihi meblağ-ı bâkī-i mezkûr seksen guruşu müdde‘î-i mezbûr İsmail Beşe’ye edâ ve teslîme mezbûr Mehmed Beşe’ye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 25 Safer sene [1]221.