Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 119 Hüküm no: 88 Orijinal metin no: [8a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Talita bt. Haçador’un dolma duvarını kullandığı iddiasıyla Maryem bt. Agop aleyhine açtığı davada davalının kendi duvarını inşaya söz vermesi üzerine anlaştıkları Galata’da Sultan Bayezid Mahallesi’nde mütemekkine mu‘arrefetü’ş-şahs Talita bt. Haçador nâm Nasrâniye bi’t-taleb kıbel-i şer‘den mürsel Kâtib Süleyman Reşid Efendi dâ‘îlerinin mahalle-i merkūmede Nasrâniye-i mersûmenin menzili derûnunda akdeylediği meclis-i şer‘de câr-ı mülâsıkı mu‘arrefetü’ş-şahs Maryem bt. Agop nâm Nasrâniye muvâcehesinde benim menzilim müştemilâtından mutasarrıfe olduğum dolma duvarımı Nasrâniye-i mersûme fuzûlî isti‘mâl eder deyü bundan akdem nizâ‘a şürû‘ eylediğimde mersûme Talita Nasrâniye dahi kendi menziline kadden beş zirâ‘ sekiz parmak ve arzan üç buçuk zirâ‘ duvar binâ etmek üzere ta‘ahhüd-i tâm eyledikde ben dahi râziye olup ref‘-i husûmet eyledik deyü ikrâr ve tasdîklerini mezbûr dâ‘îleri mahallinde tahrîr ve meclis-i şer‘a inhâ eylediği Galata Bâb Mahkemesi’nden bi’[l]-iltimâs [huzûr-ı âlîlerine i‘lâm olundu.] Fî 28 S sene [1]221.