Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 123 Hüküm no: 97 Orijinal metin no: [8b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abacı Vasil’in Yelkenci Todori’den alacağına kefil olduğu iddiasıyla Pandeli v. Yorgi aleyhine açtığı alacak davasında iddiasını ispat edemediği Galata’da mütemekkin Abacı Vasil v. Nikola zimmî Galata Bâb Mahkemesi’nde meclis-i şer‘de Galata’da mütemekkin şerbetçi destgâhdârı Pandeli v. Yorgi nâm zimmî muvâcehesinde benim gāib ani’l-meclis Yelkenci Todori zimmî zimmetinde cihet-i karzdan alacağım olan üç yüz elli beş guruşa mersûm Pandeli zimmî târih-i i‘lâmdan yedi ay mukaddem Galata’da Sultan Bayezid Mahallesi’nde Kapudan Hasan kahvesinde bi’l-emr ve’l-kabûl kefîl ve zâmin olmağla meblağ-ı mezbûru bi-hükmi’l-kefâle mersûm Pandeli zimmîden hâlâ taleb ederim deyü da‘vâ ettikde ol dahi cevâbında gāib-i mersûmun ancak nefsine kefâletini ikrâr, deynine kefâletini inkârından mâ‘adâ müdde‘î-i mersûm Vasil zimmî beni târih-i i‘lâmdan yirmi gün mukaddem kefâletden ihrâc ve husûs-ı merkūma müte‘allika da‘vâdan benim zimmetimi kabûlümü hâvî şürût-ı müfsideden ârî ibrâ ve iskāt etmişidi deyü ba‘de’d-def‘ ve’l-inkâr dâfi‘-i mersûm Pandeli zimmî ber-vech-i muharrer def‘-i mezkûrunu lede’t-tezkiye makbûlü’ş-şehâde idükleri ihbâr olunan Aci Togodoş v. Papa Petri ve Nikola v. Dimitri zimmîleri şehâdetleriyle mersûm Vasil zimmî muvâcehesinde nehc-i şer‘î üzere isbât etmeğin mûcebince müdde‘î-i mesfûr Vasil zimmî da‘vâ-yı mezkûresiyle mersûm Pandeli zimmîye bî-vech-i şer‘î mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 6 Ra sene [1]221.