Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 125 Hüküm no: 99 Orijinal metin no: [8b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahtiyâncı Mahmud Ağa’nın sahtiyan bedelinden Yemenici Seyyid Abdullah’dan üç yüz on altı guruş otuz para alacağı olduğu Sahtiyâncı Mahmud Ağa b. Mehmed Galata Bâb Mahkemesi’nde meclis-i şer‘de Yemenici es-Seyyid Abdullah b. İsmail nâm kimesne muvâcehesinde mezbûr es-Seyyid Abdullah zimmetinde aded ve fiyatı beynimizde ma‘lûm sahtiyân semeninden üç yüz on altı guruş otuz para alacak hakkım olmağla hâlâ taleb ederim deyü da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince meblağ-ı mezkûr üç yüz on altı guruş otuz parayı müdde‘î-i mezbûr Mahmud Ağa’ya edâsıyla mezbûr es-Seyyid Abdullah ilzâm olunduğu bi’l-iltimâs [huzûr-ı âlîlerine i‘lâm olundu.] Fî 6 Ra sene [1]221.