Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 128 Hüküm no: 109 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bican v. Petro’nun Bedros v. Ohannes’den iki yüz yetmiş sekiz guruş alacağı olduğu ve davalının riba alındığına dair iddialarını ispat edemediği Galata hâricinde Tomtom Mahallesi’nde mütemekkin Bican v. Petro zimmî Galata Bâb Mahkemesi’nde meclis-i şer‘de Bedros v. Ohannes zimmî muvâcehesinde mersûm Bedros zimmî zimmetinde târih-i i‘lâmdan on üç ay mukaddem yedimden ve mâlımdan istikrâz ve kabz eylediği iki yüz yetmiş sekiz guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr lâkin müddet-i mezkûre ceste ceste bilâ-devr-i şer‘î ribâ nâmıyla yüz on yedi buçuk guruşumu ahz etmekle hâlâ me’hûzu olan meblağ-ı mezkûr yüz on yedi buçuk guruş deyn-i mezkûrumun ol mikdârına mahsûben fürûnihâde kılındıkda bâkī yüz altmış buçuk guruş deynim kalmışdır deyü eylediği ribâ da‘vâsına ikāmet-i beyyine edemeyip tâlib-i tahlîf olmamağın mûcebince mersûm Bedros zimmî ber-vech-i meşrûh ribâ da‘vâsıyla bilâ-beyyine mu‘ârazadan ba‘de’l-men‘ ikrârıyla lâzım gelen iki yüz yetmiş sekiz guruşu müdde‘î-i mersûm Bican zimmîye edâ ve teslîme mersûm Bedros zimmîye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 20 S sene [1]221.