Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 134 Hüküm no: 116 Orijinal metin no: [10b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vekil sıfatıyla Yelkenci Musa Beşe’nin tahsil ettiği otuz guruşu müvekkili Mellâh Hasan Beşe’ye teslimine karar verildiği Mellâh Hasan Beşe b. Süleyman nâm kimesne Galata Bâb Mahkemesi’nde meclis-i şer‘de sefîne yelkencisi Musa Beşe b. Ali nâm kimesne muvâcehesinde mezbûr Musa Beşe işbu hâzır bi’l-meclis İbrahim Beşe b. Hüseyin nâm kimesne zimmetinde cihet-i karzdan alacak hakkım olan otuz guruşu emr ve tevkîlimle hâzır-ı mezbûrdan ahz edip bana vermeyip yedinde kalmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr otuz guruşu müdde‘î-i mezbûr Hasan Beşe’ye edâ ve teslîme mezbûr Musa Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 10 Rebî‘ülevvel sene 1221.