Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 135 Hüküm no: 118 Orijinal metin no: [10b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maksaki bt. Agop’un haksız yere bir gümüş kutusunu aldığı iddiasıyla Saka Kirkor aleyhine açtığı davada sulh olduğu Mahmiye-i İstanbul’da Gedikpaşa Mahallesi’nde mütemekkine mu‘arrefetü’ş-şahs Maksaki bt. Agop nâm Nasrâniye Galata Bâb Mahkemesi’nde meclis-i şer‘de Saka Kirkor v. Bogos zimmî muvâcehesinde mersûm Kirkor zimmî târih-i i‘lâmdan dört ay mukaddem mâlımdan on altı guruş kıymetli bir sim kutumu bi-gayr-ı hak ahz ve istihlâk etmekle ba‘de’s-sübût kıymet-i mezkûresini tazmîn taleb ederim deyü tasaddî eylediğim da‘vâdan bâ-vesâtet-i muslihîn mersûm Kirkor zimmî ile beş guruş bedel-i makbûza ba‘de’s-sulh ve’l-kabûl mâ‘adâ on bir guruşa ve bedel-i sulh-ı merkūma müte‘allika da‘vâdan herbirimiz âharın zimmetini ibrâ ve iskāt eyleyip ve herbirimiz ber-vech-i muharrer âharın ibrâsını kabûl-birle kat‘-ı münâza‘a eyledik deyü ikrâr ve tasdîkleri huzûr-ı âlîlerine i‘lâm olundu. Fî 15 Ra sene 1221.