Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 824 Hüküm no: 1074 Orijinal metin no: [129a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Ahmed’in, evini Lütfi bt. Osman’a sattığı Mahmiye-i İstanbul’da Hatice Sultan mahallesi sâkinelerinden Âişe bt. Ahmed nâm hâtun meclis-i şer‘de bâ‘isetü’l-kitâb Lütfi bt. Osman nâm hâtun mahzarında ikrâr ve takrîr-i kelâm edip yedimde mülküm ve hakkım olup mahalle-i mezbûrede vâki‘ bir tarafdan bostan ve bir tarafdan Sâliha Hâtun mülkü ve bir tarafdan tarîk-i hâs ve bir tarafdan tarîk-i âm ile mahdûd iki bâb tahtânî oda ve bir su kuyusu ve kenîf ve havluyu müştemil mülk menzilimi mezbûre Lütfi Hâtun’a yüz yirmi beş esedî guruşa bey‘-i bâtt-ı sahîh-i şer‘î ile bey‘ ve teslîm edip ol dahi iştirâ ve tesellüm ettiğinden sonra semeni olan meblağ-ı mezbûr yüz yirmi beş esedî guruşu yedinden tamâmen ahz u kabz eyledim min ba‘d menzil-i mezbûr merkūme Lütfi’nin mülk-i müşterâsıdır keyfe mâ yeşâ’ ve yahtâr mutasarrıf olsun dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ ve’l-ışrîn min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Hasan Efendi b. Bayram, Ahmed Çelebi b. Mehmed, Abdülkādir Çelebi [b.] Mehmed, Mustafa Çelebi b. Yusuf, Çorbacızâde Mustafa Çelebi.