Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 824 Hüküm no: 1075 Orijinal metin no: [129a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Ağa b. Halil’in Fethullah Bey b. Mustafa’dan alacaklı olduğu Mahmiye-i İstanbul’da el-Hâc Hasan mahallesinde sâkin Mustafa Ağa b. Halil nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de Fethullah Bey b. Mustafa nâm kimesne mahzarında üzerine da‘vâ ve takrîr-i kelâm edip mezbûr Fethullah zimmetinde cihet-i karz-ı şer‘îden altı yüz kıt‘a esedî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûr Fethullah cevâbında müdde‘î-i mezbûra vech-i muharrer üzre altı yüz kıt‘a esedî guruş deyni olduğunu bi’t-tav‘ihî ikrâr etmeğin alâ mûcebi ikrârihî meblağ-ı mezbûr altı yüz kıt‘a esedî guruşu müdde‘î-i mezbûr Mustafa Ağa’ya edâ ve teslîme mezbûr Fethullah Bey’e ba‘de’t-tenbîh mâ vaka‘a bi’t-taleb ketb olundu. Fi’l-yevmi’s-sâlis ve’l-ışrîn min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Mehmed b. Osman, Çorbacızâde Ahmed Çelebi, Abdüllatîf Çelebi b. ( ), Mehmed Ağa b. ( ), Perviz Bey b. ( ).