Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 140 Hüküm no: 126 Orijinal metin no: [11b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Kalfası Yani v. Ziso’nun Zınparacı Hıristo ve ortağı Nikola için kendi malından yaptığı bina ücretini tahsil ettiği Duvarcı kalfalarından Yani v. Ziso nâm zimmî Galata Bâb Mahkemesi’nde meclis-i şer‘de sınparacı [zınparacı] esnâfından olup husûs-ı âtîde kendiden asîl ve şerîki Nikola v. Ristan v. Ristan zimmî tarafından vekîl olduğu nehc-i şer‘î üzere sâbit olan Hıristo v. Yani nâm zimmî muvâcehesinde Galata hâricinde Tomtom Mahallesi’nde vâki‘ ma‘lûmü’l-hudûd bir bâb vakıf menzil ve tahtında bir kıt‘a sınparacı dükkânı müvekkil-i mersûm ile mersûm Hıristo zimmînin havza-i tasarruflarında[ki] arsa-yı sırfa ayasına? bi-şartü’r-rücû‘ emirlerine [binâen] binâ ve tecdîdine kendi mâlımdan masrûfum olan üç bin yedi yüz seksen dokuz guruşun iki bin dört yüz guruşunu ceste ceste mukaddemâ beş yüz yetmiş beş guruşun işbu meclis-i şer‘de bana def‘ u teslîm ben dahi ahz u kabz edip mâ‘adâ sekiz yüz on dört guruşu talebine ve işbu târih-i i‘lâma gelince bi’l-cümle beynimizde cereyân eden hukūk-ı şer‘iyyeye müte‘allika da‘vâdan bi’l-asâle ve bi’l-vekâle ve bi’l-izâfe herbirimiz âharın zimmetini kabûlü hâvî ibrâ ve iskāt edip beynimizde nizâ‘ ve husûmetimiz kalmamışdır deyü ikrâr ve tasdîkleri tescîl ve bi’l-iltimâs huzûr-ı âlîlerine i‘lâm olundu. Fî 21 Ra sene [1]221.