Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 143 Hüküm no: 131 Orijinal metin no: [12a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Angeli v. Andreya’nın bir miktar eşya ve para alacağı olduğu iddiasıyla Dimitri v. Angeli aleyhine açtığı davada iddiasını ispat edemediği Angeli v. Andreya nâm zimmî Galata Bâb Mahkemesi’nde meclis-i şer‘de Dimitri v. Angeli nâm zimmî muvâcehesinde mersûm Dimitri zimmî zimmetinde cihet-i karzdan sekiz guruş ve mâlımdan yedine i‘âre ve teslîm eylediğim mecmû‘u kırk guruş kıymetli bir tahta sandık derûnunda mevzû‘ bir simli bıçak ve bir hotoz ve iki köhne gömlek ve bir çuka yelek ve bir piştov demiri ve bir heybemi bana vermemekle hâlâ ber-vech-i muharrer müdde‘âsına ikāmet-i beyyine edemeyip bi’t-taleb mersûm Dimitri zimmî ba‘de’t-tahlîfü’ş-şer‘î mûcebince müdde‘î-i mersûm Angeli zimmî da‘vâ-yı mezkûresiyle mersûm Dimitri zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 21 Ra sene [1]221.