Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 143 Hüküm no: 132 Orijinal metin no: [12a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaymakçı hizmetkarı Panço v. Gano’nun dört aylık hizmet ücreti olarak Kaymakçı Ustası Gano’dan elli iki guruş alacağı olduğu Kaymakçı hizmetkârlarından Panço v. Gano nâm zimmî Galata Bâb Mahkemesi’nde meclis-i şer‘-i kavîmde Galata hâricinde kasaba-i Kasımpaşa’da mütemekkin Kaymakçı Ustası Gano v. Yuvan nâm zimmî muvâcehesinde ben beher şehr otuz bir buçuk guruş ücret tesmiyesiyle mersûm Gano zimmîye dört ay mütevâliyeten eylediğim hizmetimin ücret-i müsemmâsından müctemi‘ yüz yirmi altı guruşdan bâkī elli iki guruş alacak hakkım olmağla hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin mûcebince meblağ-ı bâkī-i merkūm elli iki guruşun müdde‘î-i mersûm Panço zimmîye edâsıyla mersûm Gano zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 23 Ra sene [1]221.