Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 145 Hüküm no: 137 Orijinal metin no: [12b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abacı Yorgi’nin karısına iletmek üzere emanet olarak verdiği paradan Kiryazi v. Pandazi zimmetinde yirmi guruş alacağı olduğu Vilâyet-i Anadolu’da Trabzon kazâsı ahâlîsinden Abacı Yorgi v. Nehabet zimmî Galata Bâb Mahkemesi’nde meclis-i şer‘de Kiryazi v. Pandazi zimmî muvâcehesinde ben bundan akdem kazâ-i merkūmda mütemekkine zevcem gāibe ani’l-meclis Takohi Nasrâniye’ye teslîm eyle deyü mâlımdan bi-tarîkı’l-emâne mersûm Kiryazi zimmî yedine def‘ u teslîm eylediğim otuz guruşun on guruşunu babam gāib ani’l-beled Nehabet zimmîye fuzûlen def‘ u teslîm edip ben dahi mücîz olmamamla bâkī yedinde kalan yirmi guruşu kendi umûruna sarfla istihlâk etmekle meblağ-ı bâkī-i mezkûr yirmi guruşu mersûm Kiryazi zimmîden tazmîni taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr yirmi guruşu müdde‘î-i mesfûr Yorgi zimmîye bi-tarîkı’l-damân edâya mesfûr Kiryazi zimmîye tenbîh olunduğu bi’[l]-iltimâs [huzûr-ı âlîlerine i‘lâm olundu.] Fî 26 Ra sene [1]221.