Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 146 Hüküm no: 139 Orijinal metin no: [12b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Mahmud’un kendisini hamallar kethüdâsı yapmak üzere verdiği rüşvet parasından Mehmed b. İsmail’den kırk guruş alacağı olduğu Sâhib-i arzuhâl Hamal Mahmud b. Ahmed Galata Bâb Mahkemesi’nde meclis-i şer‘-i kavîmde derûn-ı arzuhâlde mezkûrü’l-ism Mehmed b. İsmail muvâcehesinde mezbûr Mehmed bundan akdem beni Fındıklı İskelesi’ne hamallar kethüdâsı etmek için bi-tarîkı’r-rüşve mâlımdan kırk guruşumu ahz etmekle istirdâd ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr kırk guruşu müdde‘î-i mezbûr Mahmud’a redd ü teslîme mezbûr Mehmed’e tenbîh olunduğu huzûr-ı âlîlerine i‘lâm olundu. Fî 27 Ra sene [1]221.