Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 146 Hüküm no: 140 Orijinal metin no: [12b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Manol’un alacağı olduğu iddiasıyla Şerbetçi Panayot aleyhine açtığı davada yirmi beş guruşa sulh olduğu Galata’da mütemekkin A‘mâ Yani v. Manol zimmî Galata Bâb Mahkemesi’nde meclis-i şer‘de Şerbetçi Panayot v. Tanaş zimmî muvâcehesinde mersûm Panayot zimmî zimmetinde bâ-temessük cihet-i karzdan kırk guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Panayot zimmî ile yirmi beş guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ on beş guruşa müte‘allika da‘vâdan mersûm Panayot zimmînin zimmetini kabûlü hâvî ba‘de’l-ibrâ bedel-i sulh-ı mezkûr yirmi beş guruşu müdde‘î-i mersûm A‘mâ Yani zimmîye edâ ve teslîme mersûm Panayot zimmîye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 29 Ra sene [1]221.