Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 146 Hüküm no: 141 Orijinal metin no: [13a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed Salih’in alacağı olduğu iddiasıyla İsmail b. Ali aleyhine açtığı davada iddiasını ispat edemediği Galata’ya muzâfe kasaba-i Tophane’de Ekmekçibaşı Mahallesi’nde sâkin es-Seyyid Mehmed Salih b. Mustafa Galata Bâb Mahkemesi’nde meclis-i şer‘de İsmail b. Ali muvâcehesinde mezbûr İsmail târih-i i‘lâmdan üç sene mukaddem sâkin olduğum menzilim derûnunda yedimden iktirâz ve kabz eylediği iki yüz otuz beş guruşu bana vermeyip zimmetinde kalmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr es-Seyyid Mehmed Salih müdde‘âsına lede’l-istimhâl ve’l-imhâl mehl-i şer‘î mürûr edip ikāmet-i beyyine edemeyip tâlib-i tahlîf dahi olmamağın mûcebince müdde‘î-i mezbûr es-Seyyid Mehmed Salih da‘vâ-yı mezkûresiyle mezbûr İsmail’e bilâ-beyyine mu‘ârazadan men‘ olduğu bi’l-iltimâs [huzûr-ı âlîlerine i‘lâm olundu.] Fî-selhi Ra sene [1]221.