Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 147 Hüküm no: 142 Orijinal metin no: [13a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri v. Yani’nin bakır bedelinden Hıristo v. Dimitri’den yedi yüz yetmiş buçuk guruş alacağı olduğu Bakırcı esnâfından Dimitri v. Yani zimmî Galata’da mahfil-i kazâda Hıristo v. Dimitri zimmî muvâcehesinde mersûm Hıristo zimmî zimmetinde kıyye ve fiyatı beynimizde ma‘lûm nuhâs semeninden yedi bin yedi yüz kırk bir buçuk guruşdan bâkī yedi yüz yetmiş buçuk guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer tâyi‘an ikrâr u i‘tirâf etmeğin alâ-mûcibi ikrârihi meblağ-ı bâkī-i merkūm yedi yüz yetmiş buçuk guruşun müdde‘î-i mersûm Dimitri zimmîye edâsıyla mersûm Hıristo ilzâm olunduğu bi’l-iltimâs [huzûr-ı âlîlerine i‘lâm olundu.] Fî 25 Ra sene [1]221.