Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 147 Hüküm no: 143 Orijinal metin no: [13a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anparsom v. Toros’un Tülbentçi Karabet’ten dört yüz guruş alacağı olduğu Vilâyet-i Anadolu’da Ahısha kasabasında mütemekkin Anparsom v. Toros v. Anparson zimmînin kız karındaşı oğlu ve tarafından husûs-ı âtîde vekîli olduğu Halebli Mihayil v. Koçale ve Kirkor v. Seragan zimmîler şehâdetleriyle zâhir olan Bedros v. İstefan zimmî Galata Bâb Mahkemesi’nde meclis-i şer‘de Dülbendci Karabet v. Perin zimmî muvâcehesinde müvekkilim mersûm Anparson zimmînin mesfûr Karabet zimmî zimmetinde cihet-i deyn-i şer‘îden ba‘de külli’l-hesâb alacak hakkı olan dört yüz guruşu bi’l-vekâle hâlâ taleb ederim deyü da‘vâ eyledikde ol dahi ber-vech-i muharrer tâyi‘an ve kat‘iyyen ikrâr u i‘tirâf etmeğin mûcebince meblağ-ı merkūm dört yüz guruşu müvekkil-i mesfûr Anparsom zimmî için vekîli müdde‘î-i mersûm Bedros zimmîye edâ ve teslîme mersûm Karabet zimmîye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 29 Ra sene [1]221.