Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 151 Hüküm no: 152 Orijinal metin no: [14a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mellâh Hıristo’nun karzdan alacağı olduğu iddiasıyla Şerbetçi Kostantin aleyhine açtığı davada on guruşa sulh olduğu Mellâh tâifesinden Hıristo v. Dimitri Galata Bâb Mahkemesi’nde meclis-i şer‘de Galata’da mütemekkin Şerbetçi Kostantin v. Panayot zimmî muvâcehesinde mersûm Kostantin zimmî zimmetinde cihet-i karzdan yüz beş buçuk guruşdan bâkī seksen iki buçuk guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn mersûm Kostantin zimmî ile on guruşa sulh olduğumdan mâ‘adâ yetmiş iki buçuk guruşa müte‘allika da‘vâdan mersûm Kostantin zimmînin zimmetini ibrâ eyledim dedikde mersûm Kostantin zimmî dahi ber-vech-i [muharrer] sulh ve ibrâyı kabûl ibrâdan müstesnâ bedel-i sulh-ı merkūm on guruş zimmetinde deyni olduğunu ba‘de’l-ikrâr bedel-i sulh-ı mezkûr on guruşun müdde‘î-i mersûma bi’t-taleb edâsıyla mersûm Kostantin zimmî ilzâm olunduğu bi’l-iltimâs. Fî 3 R sene [1]221.