Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 157 Hüküm no: 163 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Apostol Papa v. İstemati’nin Kokoniçe bt. Aci Paskal’dan alacağını tahsil edip verdiği borç karşılığında rehin aldığı arsayı sahibine iade ettiği Derûn-ı hüccetde mesfûru’l-ism Apostol Papa v. İstemati tarafından husûs-ı âtîde ikrâr ve i‘tâ-i hüccetde vekîl olduğu İstemat v. Nikola ve Dimitri v. Yani şehâdetleriyle sâbit olan Serope v. Abraham meclis-i şer‘-i hatîr-i lâzımü’t-tevkīrde hâmiletü hâze’r-rakīm Kokoniçe bt. Aci Paskal Nasrâniye tarafından husûs-ı câ’i’z-zikri tasdîka vekîl-i mürseli Nikol v. Dimo muvâcehesinde bi’l-vekâle ikrâr ve takrîr-i kelâm edip müvekkilim mersûm Apostol Papa müvekkile-i mersûme bundan akdem mâlımdan iktirâz ve kabz eylediği on bin beş yüz guruş mukābelesinde derûn-ı hüccetde tahdîd olunan mülk menzil arsasını vefâen bana bey‘ ve teslîm etmişidi el-hâletü hâzihî meblağ-ı merkūmu tamamen bana def‘ u teslîm ben dahi ahz u kabz ve zikrolunan arsayı ba‘de’l-fek müvekkile-i mersûme Kokoniçe Nasrâniye’ye teslîm edip ol vechile arsa-yı merkūme kemâ-fi’s-sâbık Nasrâniye-i mersûmenin mülk-i mahzı olmuşdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 7 R sene 1221.