Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 826 Hüküm no: 1078 Orijinal metin no: [129a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Çelebi b. İbrahim’in, Kara Çelebizâde Mahmud Efendi Vakfı’ndan ödünç aldığı Medîne-i Galata’da Câmi‘-i Kebîr kurbunda sâkin Osman Çelebi b. İbrahim nâm kimesne meclis-i şer‘-i hatîr-i lâzımü’t-tevkīrde merhûm Kara Çelebizâde Mahmud Efendi vakfı’nda bi’l-fi‘l mütevellî olan fahrü’l-akrân bâ‘isü’l-kitâb Cafer Çavuş b. Mehmed mahzarında ikrâr ve takrîr-i kelâm edip cihet-i havâleden vakf-ı mezbûra deynim olan yüz kıt‘a esedî guruş deynimi târih-i kitâbdan üç yüz altmış gün tamâmına değin müeccel [ve] mev‘ûd beynimizde ma‘lûm bir bıçak bahâsından dahi on beş esedî guruş ki cem‘an yüz on beş esedî guruş vakf-ı mezbûra zimmetimde vâcibü’l-edâ ve lâzımü’l-kazâ deynim vardır dedikde, gıbbe’t-tasdîki’ş-şer‘î müdde‘î-i mezbûrun li ebeveyn kız karındaşı olup mahmiye-i İstanbul hısnı ebvâbından Eğrikapı dâhilinde vâki‘ Acıçeşme kurbunda sâkine Âişe nâm hâtun ile eniştesi olup mahmiye-i mezbûrede Ali Paşa-yı Atîk mahallesinde sâkin Osman Bey b. Mustafa meblağ-ı mezbûr yüz on beş esedî guruşa her biri emr [ve] kabûlü hâvî kefâlet-i sahîha-i şer‘iyye ile kefîl olmağın mâ hüve’l-vâki‘ bi’t-taleb ketb olundu. Fi’l-yevmi’s-sânî ve’l-ışrîn min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Mehmed Efendi b. İbrahim el-İmâm, Ömer Çelebi b. Osman, Mehmed Çelebi b. Osman, Mustafa Çelebi b. Şaban, Mustafa b. Mehmed, Hüseyin b. Ahmed.