Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 160 Hüküm no: 168 Orijinal metin no: [15b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Osman’ın kendisine küfrettiği iddiasıyla Dimitri v. Yorgi aleyhine açtığı tazir davasında iddiasını ispat edemediği Mustafa b. Osman Galata’da mahfil-i kazâda şerbetçi destgâhdârlarından Dimitri v. Yorgi zimmî muvâcehesinde mersûm Dimitri zimmî târih-i i‘lâm günü şerbethânesi derûnunda bi-gayr-ı hak ta‘zîri mûcib lafz ile muvâcehemde şetm etmekle mûcib-i şer‘îsi icrâ olunmak matlûbumdur deyü da‘vâ eyledikde ol dahi inkâr etmekle müdde‘î-i mezbûr ber-vech-i muharrer müdde‘âsına ikāmet-i beyyine edemeyip talebiyle mersûm Dimitri zimmî nehc-i şer‘î üzere tahlîf olunmağın mûcebince müdde‘î-i mezbûr da‘vâ-yı mezkûresiyle zimmî-i mersûma bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 7 R sene [1]221.