Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 167 Hüküm no: 182 Orijinal metin no: [17a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâfız Mehmed ile Seyyid Hasan’ın Abdi Beşe aleyhine açtıkları ecr-i misl davasında ellişer guruşa sulh oldukları Mahrûse-i Galata’da sâkin Hâfız Mehmed b. Mustafa ve es-Seyyid Hasan b. es-Seyyid Osman mahrûse-i mezbûrede mahfil-i kazâda gülcü ve istolcu esnâfından Abdi Beşe b. Hüseyin muvâcehesinde mezbûrun talebiyle ücret kavlinsiz mahzeninde gül bey‘ u şirâsında herbirimiz yirmi birer ay hizmet edip müddet-i merkūmede iktizâ eden ecr-i misillerimizi mezbûr Abdi Beşe’den taleb ederim deyü tasaddî eyledikleri da‘vâlarından bâ-tavassut-ı muslihîn herbiri ellişer guruşdan yüz guruşa ba‘de’s-sulh ve’l-kabûl ziyâde ecr-i misl da‘vâsından mezbûrun zimmetini ba‘de’l-ibrâ ve’l-kabûl mûcebince bedel-i sulh-ı merkūm ellişer guruşdan yüz guruşu mezbûr Hâfız Mehmed ve es-Seyyid Hasan’a edâ ve teslîme merkūm Abdi Beşe’ye tenbîh olunduğu huzûr-ı âlîlerine i‘lâm olundu. Fî 14 R sene [1]221.