Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 172 Hüküm no: 190 Orijinal metin no: [18a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağdadlıoğlu Mehmed Beşe’nin dört yüz guruşluk eşyasını çalan Seyyid Mustafa’dan dolayı kardeşi Seyyid Ali Çelebi aleyhine açtığı tazminat davasının haklı olmadığı Bağdâdlıoğlu Mehmed Beşe b. el-Hâc Hasan Galata Bâb Mahkemesi’nde meclis-i şer‘de es-Seyyid Ali Çelebi b. es-Seyyid Mahmud nâm kimesne muvâcehesinde mezbûr es-Seyyid Ali Çelebi’nin er karındaşı gāib ani’l-beled es-Seyyid Mustafa nâm kimesne vilâyet-i Anadolu’da İne [İnce] kasabasında vâki‘ menzilim derûnunda mevcûd dört yüz yetmiş guruş kıymetli eşyâ-i ma‘lûmemi bi-gayr-ı hak ahz etmekle mezbûr es-Seyyid Ali Çelebi mücerred gāib-i mezbûrun karındaşı olmağla meblağ-ı merkūm dört yüz yetmiş guruşu tazmîni[ni] taleb ederim deyü tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmadığı kendiye tefhîm-birle mezbûr es-Seyyid Ali Çelebi’ye bî-vech mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 15 R sene [1]221.