Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 177 Hüküm no: 202 Orijinal metin no: [18b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nimtenci Avanis v. Kigork’un eşya bedelinden Simsar Cani v. Kozi’den ikrarı üzere doksan bir guruş alacağı olduğu Nimtenci Avanis v. Kigork zimmî Galata’da mahfil-i kazâda Simsar Cani v. Kozi zimmî muvâcehesinde mersûm Cani zimmî zimmetinde eşyâ-i ma‘lûme semeninden yüz on guruş ve cihet-i karzdan yirmi üç buçuk guruş ki cem‘an yüz otuz üç buçuk guruşdan bâkī doksan bir guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr lâkin müdde‘î-i mersûm bir husûs için mâlından bi-tarîkı’r-rüşve bana yüz altmış guruş vermeği va‘ad etmişidi meblağ-ı merkūmun doksan bir guruşunu deynim olan ol mikdâr guruşa mahsûben tenzîl edip bâkī altmış dokuz guruş mâlından bana vermeğe mersûma cebr olunsun deyü tasaddî eylediği da‘vâsı meşrû‘a ve iltifâta şâyân olmayıp müdde‘î-i mersûm bî-vech mu‘ârazadan ba‘de’l-men‘ ikrârıyla lâzım gelen doksan bir guruşu müdde‘î-i mersûma edâ ve teslîme mersûm Cani zimmîye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 23 R sene [1]221.