Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 188 Hüküm no: 225 Orijinal metin no: [21a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Aci Dimitri’nin kendisinden rüşvet aldığı iddiasıyla Seyyid İsmail aleyhine açtığı davada ikrarı üzere on beş guruş alacağı olduğu Galata[‘da] mütemekkin Şerbetçi Aci Dimitri v. Hıristo nâm zimmî Galata Bâb Mahkemesi’nde meclis-i şer‘de hâssa mi‘mâr kalfalarından es-Seyyid İsmail b. es-Seyyid Mustafa nâm kimesne muvâcehesinde mezbûr es-Seyyid İsmail bir husûsun temşiyeti’çün bi-tarîkı’r-rüşve bi-gayr-ı hak [ahz] eylediği yüz altı guruşumu mezbûr es-Seyyid İsmail’den istirdâd ederim deyü da‘vâ ettikde ol dahi cevâbında rüşvet nâmıyla ancak müdde‘î-i mersûm yedinden ve mâlından on beş guruş bi-gayr-ı hak ahzını ikrâr ziyâde doksan bir guruş ahzını ba‘de’l-inkâr müdde‘î-i mersûm Aci Dimitri zimmî ziyâde müdde‘âsına ikāmet-i beyyine edemeyip bi’t-taleb mezbûr İsmail ba‘de’t-tahlîfü’ş-şer‘î mûcebince müdde‘î-i mersûm Aci Dimitri zimmî ziyâde-i mezkûre da‘vâsıyla mezbûr es-Seyyid İsmail bilâ-beyyine mu‘ârazadan ba‘de’l-men‘ mezbûr es-Seyyid İsmail ikrârıyla lâzım gelen on beş guruşu müdde‘î-i mersûm Aci Dimitri zimmîye redd [ü] teslîme mezbûr es-Seyyid İsmail’e tenbîh olunduğu bi’[l]-iltimâs mübâşirleri Mehmed Emin Çavuş kulları yediyle huzûr-ı âlîlerine i‘lâm olundu. Fî 7 Cemâziyelevvel sene [1]221.