Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 188 Hüküm no: 226 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi hizmetkarlarından Seyyid Mehmed’in Çörekçi İbrahim b. Osman aleyhine açtığı alacak davasında iddiasını ispat edemediği Çörekçi hizmetkârlarından es-Seyyid Mehmed b. Mustafa nâm kimesne Galata Bâb Mahkemesi’nde meclis-i şer‘de çörekçi esnâfından İbrahim b. Osman nâm kimesne muvâcehesinde mezbûr İbrahim Beşe zimmetinde çörekçilik ücretinden altmış yedi guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr es-Seyyid Mehmed ber-vech-i muharrer müdde‘âsına ikāmet-i beyyine edemeyip bi’t-taleb mezbûr İbrahim Beşe ba‘de’t-tahlîfü’ş-şer‘î mûcebince müdde‘î-i mezbûr es-Seyyid Mehmed da‘vâ-yı mezkûresiyle mezbûr İbrahim Beşe’ye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 7 Ca sene [1]221.