Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 190 Hüküm no: 231 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abacı terzileri Petro ile Yuvan’ın feshettikleri ticârî ortaklıklarıyla ilgili hesapları görüp birbirlerinin zimmetlerini ibra ettikleri Mahrûse-i Galata hısnı ebvâbından Balıkpazarı Kapısı hâricinde mütemekkin abacı derzileri esnâfı ustalarından Petro v. Hıristo nâm zimmî meclis-i şer‘-i şerîf-i enverde şerîki işbu hâmilü’r-rakīm Yuvan v. Kostantin nâm zimmî muvâcehesinde ikrâr ve takrîr-i kelâm edip ben mersûm Yuvan zimmî ile fâide-i hâsılası beynimizde münâsafaten olmak üzere abacı derzisi san‘atında dört ay şerîk olup fesh-i akd-i şirket-birle hesâbımızı mahzar-ı şuhûdda sahîhan rü’yet eylediğimizde herbirimiz re’s-i mâlımızı ve fâide-i hâsılamızı hâlâ ahz u kabz ve istîfâ-yı hak edip husûs-ı şirkete ve sermâyeye ve fâide-i hâsılaya müte‘allika âmme-i de‘âvîden herbirimiz âharın zimmetini ibrâ ve iskāt ve herbirimiz ber-vech-i muharrer âharın ibrâsını kabûl eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 8 Ca sene [1]221.