Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 192 Hüküm no: 235 Orijinal metin no: [21b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Mustafa’nın karzdan kızı Fâtıma’dan iki yüz elli guruş alacağı olduğu Kasaba-i Fındıklı’da Pürtelaş Hasan Mahallesi’nde sâkine ve zâtı ta‘rîf-i şer‘î ile mu‘arrefe Fâtıma bt. Mustafa nâm hatun Galata Bâb Mahkemesi’nde meclis-i şer‘de kızı olup kezâlik zâtı ta‘rîf-i şer‘î ile mu‘arrefe diğer Fâtıma bt. Mehmed nâm hatun muvâcehesinde kızım mezbûre Fâtıma Hatun yedimden ve mâlımdan istikrâz ve kabz ve umûruna sarfla istihlâk eylediği zimmetinde iki yüz elli guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi ikrârihâ meblağ-ı merkūm iki yüz elli guruşun müdde‘iye-i mezbûre Fâtıma Hatun’a edâsıyla mezbûre diğer Fâtıma Hatun ilzâm olunduğu bi’l-iltimâs [huzûr-ı âlîlerine i‘lâm olundu.] Fî 11 Ca sene [1]221.