Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 193 Hüküm no: 236 Orijinal metin no: [21b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Ahmed Beşe’nin kendisinin dört yüz guruşunu haksız yere aldığı iddiasıyla Kalyoncu Hacı Veliyüddin aleyhine açtığı davada iddiasını ispat edemediği Galata hâricinde Müeyyedzâde Mahallesi’nde sâkin Kalyoncu Ahmed Beşe b. Ali nâm kimesne Galata Bâb Mahkemesi’nde meclis-i şer‘de Kalyoncu el-Hâc Veliyüddin Beşe b. İbrahim nâm kimesne muvâcehesinde mezbûr el-Hâc Veliyüddin Beşe târih-i i‘lâmdan beş sene mukaddem Mısr-ı Kahire’de ben mezbûr ile ma‘an sâkin olduğumuz odada mevcûd mâlım olan tahta sandık derûnunda mevcûde dört yüz guruşum bi-gayr-ı hak ahz etmekle hâlâ istirdâd ederim deyü ba‘de’d-da‘vâ ve’l-inkâr müdde‘î-i mezbûr Ahmed Beşe ber-vech-i muharrer müdde‘âsına ikāmet-i beyyine edemeyip bi’t-taleb mezbûr el-Hâc Veliyy[üddin] Beşe ba‘de’t-tahlîfü’ş-şer‘î mûcebince müdde‘î-i mezbûr Ahmed Beşe da‘vâ-yı mezkûresiyle mezbûr el-Hâc Veliyüddin Beşe’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 12 Ca sene 1221.