Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 193 Hüküm no: 237 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasil v. Andon’un Şerbetçi Aci Togodoş’a yirmi sene önce sattığı şerbethane gediğinin kendisine iadesi talebiye açtığı davanın meşru olmadığı Mahrûse-i Galata’da mutavattın Vasil v. Andon zimmî mahrûse-i mezbûrede mahfil-i kazâda Şerbetçi Aci Togodoş v. Papa Şerli zimmî muvâcehesinde mahrûse-i mezbûrede Kemeraltı nâm mevzi‘de Efrenc kilisesi kurbünde Aci Muzlim Koltuğu demekle ma‘rûf şerbethâne derûnunda mevcûd beyne’l-hiref gedik tâ‘bir olunur eşyâ-i ma‘lûme yedimde mâlım iken eşyâ-i ma‘lûmeyi târih-i i‘lâmdan yirmi sene mukaddem altı yüz guruş semen-i makbûza merkūm Aci Togodoş zimmîye bâtten bey‘ ve temlîk ve teslîm etmişidim el-hâletü hâzihî ben bey‘-i mezkûre nâdim ve pişmân olmamla makbûzum olan semen-i merkūmu yedimden ahz-birle eşyâ-i merkūmeyi bana teslîme mesfûr Togodoş zimmîye cebr olunmak matlûbumdur deyü tasaddî eylediği da‘vâsı takrîr-i meşrûhu üzere meşrû‘a olmayıp bî-vech-i şer‘î mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 11 Ca sene [1]221.