Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 196 Hüküm no: 242 Orijinal metin no: [22b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin’in cariyesini dövdüğü iddiasıyla Kalyoncu İbrahim aleyhine açtığı tazir davasında yirmi guruşa sulh olduğu Galata’ya muzâfe kasaba-i Tophane’de Hoca Ali Mahallesi’nde sâkin Mehmed Emin b. el-Hâc Hasan nâm kimesne Galata Bâb Mahkemesi’nde meclis-i şer‘-i kavîmde Kalyoncu İbrahim b. Hüseyin nâm kimesne muvâcehesinde mezbûr İbrahim târih-i i‘lâmdan bir gün mukaddem işbu hâzıra bi’l-meclis Zenciye Selime nâm câriye-i memlûkemi mahalle-i merkūmede vâki‘ kendi menzili önünde değnek ve tekme ile bi-gayr-ı hak darb ve a‘zâsını kara bere etmekle mûcib-i şer‘îsini bi’l-velâye taleb ederim deyü tasaddî eyledim ancak ta‘zîr da‘vâmdan bâ-vesâtet-i muslihîn mezbûr İbrahim ile yirmi guruş bedel-i makbûza ba‘de’s-sulh ve’l-kabûl hakk-ı ta‘zîrine müte‘allika mezbûr İbrahim ile bi’l-velâye nizâ‘ ve husûmetim kalmamışdır deyü ikrâr ve tasdîkleri tescîl ve bi’l-iltimâs huzûr-ı âlîlerine i‘lâm olundu. Fî 10 Ca sene 1221.