Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 196 Hüküm no: 243 Orijinal metin no: [22b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâfız Mehmed Tahir Efendi’nin alacağı olduğu iddiasıyla Ekmekçi Kigork aleyhine açtığı davada iddiasını ispat edemediği Medîne-i Üsküdar’da sâkin Hâfız Mehmed Tahir Efendi b. Osman nâm kimesne Galata Bâb Mahkemesi’nde meclis-i şer‘de Galata’da mütemekkin Ekmekçi Kigork v. Bedros nâm zimmî muvâcehesinde mersûm Kigork zimmînin bi-şartü’r-rücû‘ emriyle bir husûsun temşiyeti’çün mâlımdan otuz guruş masrûfum olmağla hâlâ bi’l-mürâca‘a zimmî-i mersûmdan taleb ederim deyü da‘vâ ettikde ol dahi cevâbında külliyyen ba‘de’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mersûm Kigork zimmî ber-nehc-i şer‘î tahlîf olunmağın mûcebince müdde‘î-i mezbûr Hâfız Mehmed Tahir Efendi da‘vâ-yı mezkûresiyle mersûm Kigork zimmîye bilâ-beyyine mu‘ârazadan ba‘de’l-men‘ olunduğu bi’[l]-iltimâs huzûr-ı âlîlerine i‘lâm olundu. Fî 12 Ca sene [1]221.